Pechar

• Sobre o lado da esquerda da parede frontal lese ANO DOMINE DE 1760 polo que todo parece indicar que foi mandado construír por D. Xacinto Gregorio de Castro, cura párroco d’O Hío entre 1730 e 1763.

• Detrás da finca da casa reitoral, pegado xusto ao portal posterior de saída, atopamos este lavadoiro público que sorprende pola ornamentación que presenta. Ten un frontis en tres corpos, rematados cunha cornixa con moldura e no corpo central desenvolve un releve xeométrico do que saen os dous canos das fontes que alimentan o lavadoiro, dividido en dúas partes e con fregador en tres lados do mesmo. O tramo central do frontis presenta un magnifico escudo flanqueado por dúas robustas volutas; está timbrado cunha coroa e adornado con lambrequíns; no campo do escudo, seis roelas en dúas columnas de a tres, representan as armas dos CASTRO.