Pechar

• Non se coñece a data de construción, pero é anterior a 1677, pois nesta data D. Ventura Aldao, manda construír a fonte que está no patio empedrado da finca.

• É unha construción de planta en “L”, composta de baixo asotado polo desnivel do terreo e un nivel principal con balconadas ao norte, leste e sur.

• Accédese á finca por un portalón coroado por dúas ameas e un santo sen identificar. Na parte posterior ten saída por outro portalón sobre o lintel do cal hai un retablo da crucifixión de escasa talla.

• A fonte presenta un frontis en tres corpos rematado con cornixa; nos laterais desenvolve unha lenda en latín que dá testemuña de quen e por que razóns a mandou construír. Hoxe nalgunhas partes presenta dificultades de lectura.

• No patio podemos ver dúas obras de recente labra, unha que representa unha escena do Purgatorio e a outra un reloxo de sol. Compoñen o conxunto deste pazo un hórreo de pedra de oito pés e un pombal de construción circular.