Pechar

• O monte Facho no lugar de Donón ten un grande interese; o seu propio nome parece sinalar a existencia dalgún tipo de sinal luminoso sexa de advertencia para os habitantes da aldea ou para os navegantes pola costa da Vela.

• Coñécese dende antigo a existencia dun castro da época do bronce, pero, foi, despois da recente campaña de escavación dirixida por José Suárez, cando quedaron á vista os habitáculos do poboado.

• Con anterioridade un traballo dirixido por Thomas Schattner descubriu unha grande cantidade de aras que xunto coas xa coñecidas con anterioridade dedicadas ao deus Berobreo (Deo Lari Berobreo) confirman a conversión deste lugar nun importante santuario acaso pola súa condición de fisterra e pola súa situación abrupta sobre o mar.

• Do s. XVII é a garita que agora se pode contemplar na coroa. Rematada cunha cúpula circular e construída con pedras procedentes de antigas construción era posiblemente un lugar para a vixilancia.

• Actualmente están en marcha proxectos de prospección que de seguro aportarán novos e valiosos datos e a creación dunha aula de interpretación.